РАУС

У перыяд з 9 па 15 красавіка зарэгістравана 5
супрацьпраўных учынкаў: крадзеж, угон аўтамабіля — па 1 , выраб самагону — 3.
Узбуджана 9 крымінальных спраў. Раскрыта 2 раней здзейсненыя кра-дзяжы: цэглы ў
ліпені 2011 года ў Пратасевічах і бінокля ў Рафаліне ў чэрвені 2010 года.

У межах спецмерапрыемстваў «Арсенал” 9 грамадзян
добраахвотна здалі забароненыя прадметы: 84 патроны, ручную гранату, паляўнічую
стрэльбу. Яшчэ адна стрэльба, гаспадар якой своечасова не аднавіў дазваляльныя
дакументы на карыстанне агнястрэльнай зброяй, канфіскавана.

12 чысла каля п. Сасновы ў рацэ Свіслач
знойдзена цела 38-гадовага мясцовага жыхара, які з лістапада 2011 года
знаходзіўся ў вышуку як дзярждаўжнік.

ДАI

Спынена 176 парушэнняў правілаў руху. Прыцягнуты
да адказнасці 8 п’яных вадзіцеляў і 2 — не маючых вадзіцельскіх правоў. Парушальнікам
гэтых катэгорый давядзецца выплаціць штрафы ўражваючых памераў: у сярэднім ад 2
да 3 млн. руб. Адбылося 8 нязначных ДТЗ.

Увага! З 16 па 29 красавіка праводзіцца
рэспубліканская акцыя «Колаў меней — небяспекі болей”, мэта якой — прафілактыка
ДТЗ з удзелам мапедаў і матацыклаў. АДАI нагадвае, што язда на ўзгаданых
транспартных сродках без шлемаў караецца штрафам у памеры да 5, а без
вадзіцельскіх правоў — да 50 базавых велічынь.

АУСТ

Прыцягнута да адказнасці 108 правапарушальнікаў,
у тым ліку 4 п’яныя пасажыры, якія былі ссаджаны з цягнікоў.

Узбуджана 2 крымінальныя справы па фактах
захавання наркотыкаў і псавання маёмасці чыгункі.

З 16 па 20 чысло правозіцца спецаперацыя
«Допінг”, падчас якой пад асаблівым кантролем будзе знаходзіцца абарачэнне
лекавых сродкаў, утрымліваючых псіхатропныя рэчывы.

IАЖіРС

Складзены 3 пратаколы на гандляроў мядзведжай
цыбуляй, па 1 — за мыццё аўтамабіля ў прыбярэжнай зоне ракі Свіслач і
браканьерскую лоўлю рыбы каля плаціны Асіповіцкай ГЭС. Канфіскавана 150 м
рыбалоўных сетак.

 

РАУС

У перыяд з 2 па 8 красавіка зарэгістравана 7
супрацьпраўных учынкаў: пагроза забойствам, нанясенне цялесных пашко-джанняў,
незаконная скупка металалому, крадзеж — па 1, самагонаварэнне — 2. Узбуджана 6
крымінальных спраў.

Зафіксавана 4 выпадкі суіцыду. Павесіліся двое
маладых мужчын — жыхары Дрычына і Лапічаў, 93-га-довая пенсіянерка з Асяродка.
Непрацуючая 40-гадовая жанчына з Лапічаў была шпіталізавана ў каматозным стане,
прычынай якога стала вострае атручванне лекавымі прэпаратамі.

Адбыліся дзве смерці, прычыны якіх застаюцца
нявызначанымі. Упаў у кому і памёр ад пераахалоджання 43-гадовы жыхар Татаркі,
а ў адным са службовых памяшканняў УКП ЖКГ было знойдзена цела вадзіцеля
прадпрыемства.

Увага! Аперацыя «Арсенал” прадоўжана да 15
красавіка.

АУСТ

Прыцягнута да адказнасці 108 правапарушальнікаў.
У іх ліку 4 п’яныя пасажыры, якія былі ссаджаны з цягнікоў, і 2 злачынцы, што
знаходзіліся ў вышуку.

Узбуджана 5 крымінальных спраў. Канфіскавана 160
пачкаў кантрабандных цыгарэт і 7 літраў алкагольных напояў.

РАНС

4 чысла з-за парушэння правілаў карыстання
электраабсталяваннем згарэла гаспадарчая пабудова ў Татарцы.

6 красавіка па невядомай прычыне загарэўся дах
кацельні дрэваапрацоўчага цэха СФГ «Сухлава” на ст. Ясень.

8 чысла з-за неасцярожнасці пры курэнні
загарэўся прыватны жылы дом у Асіповічах. Гаспадар загінуў.

IАЖіРС

Спынены дзве спробы крадзяжу рыбы на сажалках
ААТ «Рыбгас «Свіслач”, аштрафаваны зборшчык мядзведжай цыбулі.

 

РАУС

У перыяд з 26 сакавіка па 1 красавіка зарэгістравана
11 супраць-праўных учынкаў. З іх: крадзяжы — 9, выраб самагону — 2. Узбуджана 9
крымінальных спраў. Раскрыты 2 здзейсненыя раней злачынствы. Падчас правядзення
спецаперацыі «Арсенал” добраахвотна здадзена 2 незарэгістраваныя паляўнічыя
стрэльбы і столькі ж пісталетаў часоў Вялікай Айчыннай вайны.

30 чысла недалёка ад п. Татарка знойдзена цела
27-гадовага мясцовага жыхара, які лічыўся знікшым без вестак з 22 студзеня.

31 сакавіка ўзбуджана крымінальная справа ў
адносінах да раней судзімага асіпаўчаніна, які трыма днямі раней украў на адной
з будаўнічых пляцовак горада 2 тоны металічных вырабаў агульным коштам у 3 млн.
руб.

ДАI

Спынена 146 парушэнняў правілаў руху, прыцягнуты
да адказнасці 4 п’яныя вадзіцелі, 33 парушальнікі хуткаснага рэжыму, 2
пешаходы. Адбылося 4 ДТЗ.

31 чысла на 113 км шашы Мінск-Гомель аўтамабіль
«Аудзі” падчас снегападу страціў кіруемасць і вылецеў на паласу сустрэчнага
руху, дзе сутыкнуўся з «Пежо-306”. Вадзі-цель і пасажыр апошняй машыны былі
шпіталізаваны ў ЦРБ. Прычынай аварыі стала несвоечасовая ўстаноўка летніх шын
на «Аудзі”.

Увага! У перыяд да 8 красавіка працягваюцца
комплексныя мера-прыемствы «Пешаход”. Для інфармацыі: за дэкаду «Дзяржтэхагляд”
было затрымана 62 вадзіцелі, а падчас акцыі «Зрабі паездку бяспечнай” — 36 вадзіцеляў
і пешаходаў.

АУСТ

Прыцягнуты да адказнасці 75 правапарушальнікаў.

Канфіскавана стрэльба і 22 патроны, каля
прыпыначнага пункта «Вярхі” знойдзены артылерыйскі снарад 1940-х гадоў.

У зоне адказнасці ад-дзела ўнутраных спраў на
транспарце і ўзброенай аховы на ст. Асіповічы адбыўся няшчасны выпадак: на
адным з перагонаў Бабруйскага накірунку па-трапіў пад дызель-цягнік і атрымаў
смяротныя раненні 64-гадовы мужчына.

Дэпартамент аховы

Спынена крадзяжоў — 10, выпадкаў парушэння
антыалкагольнага заканадаўства — 4, хуліганства — 1.