22 снежня — Дзень энергетыка Каб нам было цёпла №109

Асіповіцкі раён цеплавых сетак РУП
«Магілёўэнерга” забяспечвае гарачай вадой і цяплом большую частку горада. На
першы погляд здаецца, што схема цеплазабеспячэння не надта складаная:
разагрэтая да вызначанай тэмпературы вада рухаецца па трубаправодзе да 10
цэнтральных цеплавых пунктаў, дзе ў кожным падзяляецца на дзве часткі, адна з якіх
будзе паступаць у батарэі, другая — падаграваць пітную ваду. Аддаўшы цяпло,
гэтыя патокі зноў злучаюцца ў ЦЦП і вяртаюцца ў кацельню…

Каб гэты цыкл паўтараўся бесперабойна, на
прадпрыемстве задзейнічана 7 участкаў: цеплавых сетак, электратэхнічны,
падрыхтоўкі драўнянага паліва і аў-татранспарту, цеплавой аўтаматыкі,
вымярэнняў і аўтаматызаванай сістэмы кіравання тэхналагічным працэсам,
палівападачы, па рамонту цепламеханічнага абсталявання, хімвода-ачысткі. Усе
яны маюць свае функцыі, але разам працуюць на адзіны вынік: каб у кожным
ацяпляемым памяшканні і на кожным участ-ку сістэмы водазабеспячэння тэмпература
адпавядала ўстаноўленым стандартам.

У асноўным наша ЦЭЦ працуе на мясцовых відах
паліва, доля якіх у гэтым годзе складае 54% ад агульнага аб’ёму спажываемых
цепланосьбітаў. Прыродны газ патрэбны толькі ў ацяпляльны сезон. Найбольш
запатрабаванае мясцовае паліва — драўніна, якую па-стаўляюць сюды больш
дзясятка лясгасаў і прыватных прадпрыемстваў. Яна папярэдне здрабняецца і ў
вы-глядзе трэсак і пілавіння ідзе ў кацёл. А вось торф для абсталявання ЦЭЦ не
вельмі падыходзіць, бо пры яго спальванні атрымліваецца шмат попелу.

Спецыялісты цепла-энергетыкі ўважлівыя і да
надвор’я: чым ніжэйшая тэмпература паветра звонку, тым гарачэй павінна быць
вада ў трубаправодзе. Напрыклад, пры адзнацы тэрмометра ў 0 градусаў
тэмпература цепланосьбіта ў трубе, якая яго падае, павінна быць 66 градусаў, а
ў зваротнай — 45. Зразумела, што пры замаразках або спякоце гэтыя паказчыкі
мяняюцца. Дарэчы, у мінулым годзе лістапад быў цяплейшым за сёлетні. Тады было
ўжыта 641.000 м3 паліва, а гэта амаль удвая менш цякучых паказчыкаў
аналагічнага месяца.

Вялікая ўвага надзяляецца і стану самога
труба-правода — ключавому звяну сістэмы цеплазабеспячэння, па якой гарачая вада
пастаўляецца да спажыўцоў. Кожны ліпень яе выпрабоў-ваюць на трывалась:
падымаюць ціск да 16 атмасфер. Ненадзейныя ўчасткі абавязкова даюць аб сабе
знаць і адразу ж рамантуюцца або замяняюцца трубамі, зробленымі па сучасных
тэхналогіях. Так званыя Пі-трубы дазваляюць скарачаць цепластраты і маюць больш
высокую надзейнасць, чым звычайныя. Сёння ў гора-дзе сумарная даўжыня пракладзеных
Пі-труб складае каля двух кіламетраў.

У наступным годзе прадпрыемства плануе
пракладваць цеплавыя сеткі да новабудоўляў па вуліцы Чарняхоўскага, так што без
цяпла ў Асіповічах не застанецца ніхто.

Тамара ГОРЛАЧ.