Наш адрес: г. Осиповичи, ул. Сумченко, 55.

Асіповічы: коратка аб розным

Опубликовано: Асiповiцкi Край

Пятница, 17.02.2017 15:34. Рубрика: КАР  Tags: , , , , ,   

З 14 па 23 лютага ў раёне — дэкада пажарнай бяспекі.

У Доме культуры чыгуначнікаў 22 чысла ў 16.30 — адборачны тур конкурсу прыгажосці “Мисс Могилевское отделение-2017”. За права прадстаўляць Асіповіцкі чыгуначны вузел на аддзяленчым этапе пазмагаюцца 5 прыгажунь з розных структурных падраздзяленняў. Дзяўчаты прадэманструюць на сцэне свае творчыя таленты і, безумоўна, шчырую любоў да чыгункі.

Раённай энергаінспекцыяй філіяла “Энерганагляд” РУП “Магілёўэнерга” летась у эксплуатацыю дапушчана 137 новых дома-ўладанняў, праведзена 1759 прафілактычных гутарак з насельніцтвам па бяспечнай эксплуатацыі энергасетак і распаўсюджана 2643 памяткі. Па выніках праверкі 627 жылых пабудоў выдадзена 521 прадпісанне на ліквідацыю заўваг па тэхнічным стане і пажарнай бяспецы.

Кіраўнік фотаклуба “Раніца” РЦКіА Алена Ерашэвіч першай з жыхароў Асіповіччыны стала членам Беларускага грамадскага аб’яднання фатографаў, мэта якога — садзейнічаць развіццю мастацтва фатаграфіі ў краіне.

На ўлік па цяжарнасці ў гінекалагічнае аддзяленне райпаліклінікі ў 2016 годзе сталі 564 жанчыны, з якіх 5 — непаўналетнія; 514 ужо нарадзілі маленькіх асіпаўчан. Зараз урачы аддзялення назіраюць за цяжарнасцю 287 будучых матуль.

Раённы вузел паштовай сувязі за год даставіў землякам 31479 пасылак, 21276 міжнародных дробных пакетаў і 515230 пісьмовых карэспандэнцый. Зваротны адрас больш паловы колькасці двух апошніх відаў адпраўленняў — Кітай.

Твитнуть 0

Добавить комментарий

« Асіповіцкі раён. Саветы за работай
АДІ ў Асіповічах. Без “вады”, па сутнасці »