Наш адрес: г. Осиповичи, ул. Сумченко, 55.

Асіповічы: хроніка здарэнняў

Опубликовано: Елена ЛЕПЛЯНИНА-КУБАРЬ

Вторник, 16.12.2014 10:58. Рубрика: Хроніка  Tags: ,   

РАУС

У перыяд з 8 па 14 снежня раскрыты крадзеж, спынены вышук дзвюх асоб, якія ўхіляліся ад выплаты аліментаў, выяўлены труп без бачных прыкмет гвалтоўнай смерці, канфіскавана 3,5 літра самагону.

14 снежня ў бальніцу дастаўлены 28-гадовы мужчына з траўмамі галавы. Абставіны атрымання цялесных пашкоджанняў устанаўліваюцца.

РАСК

Узбуджана 8 крымінальных спраў, з якіх 1 — па факце прапажы без вестак жыхара в/г Верайцы і 7 — крадзяжах маёмасці, у тым ліку з двух дачных домікаў.

10 снежня заведзена справа ў дачыненні асіпаўчан, якія выкралі чыгунную ванну коштам 600.000 рублёў з лесвічнай пляцоўкі шматпавярховага дома.

ДАI

Папярэджана 191 правапарушэнне дарожнага руху, прыцягнута да адказнасці 3 нецвярозыя і 80 вадзіцеляў, якія не прытрымліваліся хуткаснага рэжыму, 38 пешаходаў, што ў цёмны час сутак знаходзіліся на праезнай частцы без святлоадбіваючых элементаў. Адбылося 4 ДТЗ.

13 снежня ў 21.00 каля в. Брадзішча пенсіянер-мінчанін на аўтамабілі ВАЗ наехаў на пешахода, прычыніўшы таму смяротную траўму. Вадзіцель уцёк з месца здарэння, але на наступны дзень быў затрыманы. Узбуджана крымінальная справа.

Увага! З 15 па 21 снежня праходзіць “Тыдзень дзіцячай бяспекі” па прафілактыцы ДТЗ з удзелам дзяцей, выяўленні і спыненні парушэнняў ПДР непаўналетнімі, узмацненні кантролю за вадзіцелямі пры праездзе месцаў размяшчэння школ і ДДУ.

АУСТ

Узбуджана 2 крымінальныя справы па крадзяжах, адна — па факце збыту падробленых грашовых купюр. Складзена 54 адміністрацыйныя пратаколы, суправоджана 63 цягнікі, з якіх знята 7 правапарушальнікаў. Устаноўлена месцазнаходжанне 2 асоб, што знаходзіліся ў вышуку. У спецізалятар дастаўлена 4 грамадзяніны.

З 15 па 18 снежня праводзіцца спецыяльная аперацыя “Бяспека” па прадухіленні няшчасных выпадкаў на аб’ектах чыгуначнага транспарту.

Дэпартамент аховы

Спынена 4 парушэнні правілаў дарожнага руху, 4 факты распіцця спіртных напояў у грамадскіх месцах, 5 дробных крадзяжоў і 1 хуліганства.

Спецізалятар

Размешчана для працверажэння 28 грамадзян, у іх ліку 2 жанчыны.

РАНС

Каля трох гадзін ночы 9 снежня загарэўся дом па вул. Касмічнай. Пажарам пашкоджана перакрыцце веранды, знішчаны дах і маёмасць дома. Пацярпелых няма.

IАЖіРС

Складзена 3 пратаколы за парушэнне правілаў лесакарыстання і па 2 — па фактах незаконнай рыбалкі і палявання.

Твитнуть 0

ЭТО ТОЖЕ ИНТЕРЕСНО!

Добавить комментарий

« Подписка-2015 в Осиповичах: можем — поможем
 »