У сераду на старых гарадскіх могілках, што знаходзяцца на перакрыжаванні вуліц Рабоча-Сялянскай і Гармашава, прайшоў мітынг, прысвечаны перазахаванню астанкаў 89 воінаў Чырвонай Арміі, загінуўшых у 1941 годзе.
“Раёнка” паведамляла аб ходзе пошукавых аперацый, падчас якіх летам гэтага года былі даследаваны два месцы масавага пахавання ваеннапалонных (“АК” № 55 ад 2.07. 2009 і № 67 ад 11.08.2009). На жаль, экспертам не ўдалося ўстанавіць ніводнага імя загінуўшых, і таму брацкая магіла, дзе воіны знайшлі свой апошні прытулак, назаўсёды застанецца безыменнай.
Мы, нашчадкі, заўсёды будзем памятаць, што гэтыя невядомыя героі аддалі сваё жыццё дзеля таго, каб наша Радзіма выжыла ў пекле Вялікай Айчыннай вайны. Лёс па-ставіў іх перад вельмі жорсткім выбарам: змагацца без надзеі на выратаванне альбо выжыць, стаўшы здраднікамі — паліцаямі ці ўласаўцамі. Яны загінулі, але захавалі гонар і таму засталіся непераможнымі.
…Адкрываючы мітынг, старшыня райвыканкама Пётр Шукаловіч выказаў шчырыя словы ўдзячнасці нашым землякам Анатолю Герасімчыку і Ірыне Свірыд, успаміны якіх аб падзеях восені-зімы 1941 года сталі нагодай для правядзення пошукавай работы па выяўленні месцаў масавых пахаванняў ваеннапалонных на тэрыторыі горада.
Напачатку 80-х гадоў мінулага стагоддзя на месцы зачыненых гарадскіх могілак, якія сёння пераўтвараюцца ў мемарыяльны комплекс, планавалася стварыць парк. І менавіта Анатоль Герасімчык дабіўся адмены гэтага, як сёння ўсім відавочна, не да канца прадуманага, рашэння.
Сапраўдны патрыятызм праяўляецца не толькі на вайне…
Дзмітрый САЎРЫЦКI.
ЭТО ТОЖЕ ИНТЕРЕСНО!
-
02.07.2014 Дзень вызвалення раёна
-
08.04.2014 Месячник памяти на Осиповщине
- 30.04.2015 Школьныя музеі Асіповіцкага раёна: СШ № 2
-
07.04.2015 Из списков «Пропавшие» исключить!
-
11.05.2015 Герои Советского Союза: уроженцы Осиповичского района
-
15.09.2014 Говорят документы войны
Загрузка ...
